တာချီလိတ်၊ နိုဝင်ဘာ ၆
နိုင်ငံတော်ကို ရွှေအခွန်ကြွေးကျန် ပေးသွင်းရန် ကျန်ရှိမှုဖြင့် ထွက်ပြေးနေသည့် အမျိုးသားကြီးပွားတိုးတက်ရေး ကုမ္ပဏီပိုင်ရှင် ဦးစိုးထွန်းရှိန်ကို ထိုင်းနိုင်ငံအတွင်း ဖမ်းဆီးရမိပြီး နိုဝင်ဘာလ ၆ရက်နေ့လည်ပိုင်းက တာချီလိတ်မြို့မှ တဆင့် မန္တလေးမြို့သို့ လွှဲပြောင်းပေးခဲ့ကြောင်း သိရသည်။ လွှဲပြောင်းပေးခဲ့ကြောင်း သိရသည်။
နေ့လည် ၁၂ နာရီဝန်းကျင်တွင် တာချီလိတ်မြို့သို့ မြန်မာ-ထိုင်း ချစ်ကြည်ရေးတံတား အမှတ်(၂)မှတဆင့် လွှဲပြောင်းပေးခဲ့ပြီး နေ့လည် ၂နာရီ ၃၅ မိနစ်တွင် အဲသံလွင်လေကြောင်းလိုင်းဖြင့် တာချီလိတ်မြို့မှတဆင့် မန္တလေးမြို့သို့ ပို့ဆောင်ခဲ့ကြောင်းသိရသည်။
ဦးစိုးထွန်းရှိန်သည် မန္တလေးတိုင်းဒေသကြီး၊ ရမည်းသင်းမြို့မရဲစခန်း(ပ) ၆၁/၂၀၁၈၊ မြန်မာ့သတ္တုတွင်းဥပဒေပုဒ်မ ၃၀(က)/ကျင့် ၅၁၂ အမှုဖြင့် အမှုဖွင့် တရားစွဲဆိုခံရထားရပြီး ထွက်ပြေးတိမ်းရှောင်နေခြင်းဖြစ်သည်။
MK 001
Mekong News 