တာချီလိတ်၊ ဒီဇင်ဘာ ၂
တာချီလိတ်မြို့တွင် ငွေလဲဆိုင် ဆိုင်ရှင်ကိုသေနတ်ဖြင့် ချိန်ကာ အမျိုးသား (၄)ဦးက ကျပ်သိန်း(၂၀ဝ)ခန့်တန်ဖိုးရှိ တရုတ်၊ ထိုင်း၊ မြန်မာငွေများကို ဒီဇင်ဘာလ ၂ရက်၊ နံနက် ၇နာရီခန့်က လုယက်သွားသည်။
တာချီလိတ်မြို့၊ မယ်ခေါင်ရပ်ကွက်၊ ဗိုလ်ချုပ်လမ်းပေါ်ရှိ ငွေလဲဆိုင်တစ်ဆိုင်ကို ဒီဇင်ဘာလ ၂ရက်၊ နံနက်ပိုင်းက အမျိုးသား (၄)ဦးရောက်လဲပြီး ငွေလဲမည်ဟုဆိုကာ သေနတ်ဖြင့်ချိန်ပြီး ကျပ်သိန်း (၂၀ဝ)ခန့်တန်ဖိုးရှိ ငွေများကို လုယူခဲ့သည်။
ထိုသိုု့လုယူပြီးနောက် ဆိုင်ရှေ့သို့ ရွှေငါးအမျိုးအစား အဖြူရောင်မော်တော်ယာဉ်တစ်စီး ဆိုက်ရောက်လာပြီး ငွေလုယက်သွားသည့် အမျိုးသား (၄)ဦးမှာ အဆိုပါမော်တော်ယာဉ်ပေါ်သို့ တက်ရောက်ကာ ထွက်ပြေးသွားကြောင်း ငွေလုယူခံရသည့် ဆိုင်ပိုင်ရှင်၏ သားဖြစ်သူက ပြောသည်။
ဝင်ရောက်လုယက်သူများကို တာချီလိတ်မြို့ရဲစခန်းတွင် (ပ)၆၆၄/၂၀၁၉၊ ရာဇသတ်ကြီးပုဒ်မ ၃၉၅ ဖြင့် အမှုဖွင့် တိုင်ကြားထားကြောင်း သိရသည်။
တာချီလိတ်မြို့တွင် ပြီးခဲ့နှစ်ပိုင်းအတွင်း သေနတ်ပစ်မှု၊ ရွှေဆိုင်လုယက်မှုများ မကြာခဏဖြစ်ခဲ့ပြီး ငွေလဲဆိုင်ကို ဝင်ရောက်လုယက်ခြင်းမှာ ပထမဆုံးအကြိမ်ဖြစ်သည်။
MK-001
Mekong News 