တာချီလိတ်၊ ဇန်နဝါရီ ၄
ဇနီးဖြစ်သူကို ရိုက်နှက်ပြီး ရိုက်နှက်နှိပ်စက်ပြီး ကိုယ့်လည်ပင်းကိုယ် တံစဉ်ဖြင့်လှီးဖြတ်ကာ သေကြောင်းကြံစည်သူ တစ်ဦးကို ဇန်နဝါရီလ ၃ရက် ညပိုင်းက မိုင်းခတ်မြို့နယ်အတွင်း ဖမ်းဆီးရမိသည်။
ဇန်နဝါရီလ ၂ရက် ည ၁၂နာရီခန့်က မိုင်းခတ်မြို့နယ်၊ မိုင်းနှုံးကျေးရွာအုပ်စု၊ ပါကန်ကျေးရွာတွင် နေထိုင်သည့် နွေကာဆိုသူသည် ၎င်းအိမ်အား ဓာတ်ဆီလောင်းကာမီးရှို့မည်ဟု အော်ဟစ်ကြိမ်းမောင်းနေသဖြင့် ကျေးရွာသူကြီးနှင့် အဖွဲ့က သွားရောက်ထိန်းသိမ်းရာ နေအိမ်အတွင်း ဇနီးဖြစ်သူကို ရိုက်နှက်ထားသဖြင့် ဒဏ်ရာများ ရရှိနေသည်ကို တွေ့ရသည်။
ဒဏ်ရာရနေသည့် ဇနီးဖြစ်သူ မအေးယော့ကို ဆေးရုံသို့ တင်ပို့နေစဉ် နွေကာမှာ ၎င်း၏လည်ပင်းကို တံစဉ်ဖြင့် လှီးဖြတ်ကာ သေကြောင်းကြံစည်နေသဖြင့် ၎င်းကို ဖမ်းဆီးခဲ့ကြောင်းသိသည်။
ဇနီးဖြစ်သူကို ဓားဖြင့်ခုတ်ကာ ဒဏ်ရာရစေခဲ့ပြီး ကိုယ့်ကိုကိုယ်လည်း သေကြောင်းကြံစည်သည့် နွေကာဆိုသူကို မိုင်းခတ်မြို့မ ရဲစခန်းတွင် အမှုဖွင့် တိုင်ကြားထားကြောင်းသိရသည်။
Mekong News 