တာချီလိတ်၊ ဇန်နဝါရီ ၅
ထိုင်းနိုင်ငံ ဘန်ကောက်မြို့မှ မယ်ဆိုင်မြို့သို့ လမ်းလျှောက်လာပြီး တာချီလိတ်မှတဆင့် မြန်မာနိုင်ငံကို ဖြတ်သန်းကာ ဧဝရတ်တောင်အထိ လမ်းလျှောက်မည့် ထိုင်းနိုင်ငံသားကို ဇန်နဝါရီလ ၅ရက်နေ့တွင် လုံခြံရေးအရ တားဆီးကာ ကားဖြင့် ပြန်လွှတ်လိုက်ကြောင်း သိရသည်။
ထိုင်းနိုင်ငံသား သီဝါဆိုသူသည် မြန်မာနိုင်ငံကို ဖြတ်သန်းလမ်းလျှောက်ပြီး ဧဝရတ်တောင်တက်ရန် ဒီဇင်ဘာလ ၃ရက်က တာချီလိတ်သို့ ရောက်ရှိလာြခင်းဖြစ်ပြီး ၎င်းဖြတ်သန်းလမ်းလျှောက်မည့် ဒေသများတွင် ၎င်း၏ လုံခြုံရေးအတွက် အန္တရာယ်ရှိနိုင်သဖြင့် တာချီလိတ်မြို့ မယ်ယန်းစုပေါင်းစစ်ရေးဂိတ်မှ တာဝန်ရှိသူများက တာဆီးကာ တာချီလိတ်သို့ ပြန်လွှတ်လိုက်ခြင်းဖြစ်ကြောင်းသိရသည်။
“လမ်းမှာက တောတွေ၊ တောင်တွေနဲ့။ သူ့လုံခြုံရေးကို လိုက်ပေးဖို့က မလွယ်ဘူး။ ဒါကြောင့် တားဆီးပြီး ဒီမနက်ပဲ ကားနဲ့ တာချီလိတ်ဘက်ကို ပြန်ထည့်ပေးလိုက်တယ်” ဟု တာဝန်ရှိသူတစ်ဦးက မဲခေါင်သတင်းဌာနသို့ ဇန်နဝါရီလ ၅ရက်တွင် ပြောသည်။
အဆိုပါ ထိုင်းနိုင်ငံသားသည် ဘန်ကောက်မြို့မှ ထိုင်း-မြန်မာနယ်စပ် မယ်ဆိုင်မြို့အထိ လမ်းလျှောက်လာခြင်းဖြစ်ကြောင်း သိရသည်။
Mekong News 