တာချီလိတ်၊ ဇန်နဝါရီ ၈
မိုင်းဆတ်ဘက်မှ တာချီလိတ်ဘက်သို့ မောင်းနှင်လာသည့် ဆိုင်ကယ်တစ်စီးကို တားဆီးစစ်ဆေးရာ ဆိုင်ကယ်တူးဘောက်အတွင်းမှ စိတ်ကြွဆေးပြား (၁၂၀၀၀)ပြားကို ဇန်နဝါရီလ ၇ရက် ညနေပိုင်းက တာချီလိတ်မြို့တွင် ဖမ်းဆီးရမိသည်။
မူးယစ်တပ်ဖွဲ့စု (၃၀)မှ ရဲတပ်ဖွဲ့ဝင်များပါဝင်သည့် ပူးပေါင်းအဖွဲ့သည် ဇန်နဝါရီလ ၇ရက် ညနေ ၃နာရီခွဲခန့် အချိန်က တာချီလိတ်မြို့၊ လွယ်တော်ခမ်းကျေးရွာအုပ်စု၊ နာသာလိ ကျေးရွာ အဝင်တွင် မိုင်းဆက်ဆက်မြို့ဘက်မှ တာချီလိတ်မြို့ဘက်သို့ လော်ဘူဆိုသူမောင်းနှင်လာပြီး မမီညီးဆိုသူ လိုက်ပါလာသည့် Wave-I မော်တော်ဆိုင်ကယ်ကို စစ်ဆေးရာ တူးဘောက်အတွင်းမှ စိတ်ကြွဆေးပြား (၁၂၀၀၀)ပြားကို ဖမ်းဆီးရမိခြင်းဖြစ်သည်။
မူးယစ်ဆေးဝါများနှင့်အတူဖမ်းဆီး ရမိသည့် အသက်(၁၉)နှစ်အရွယ် လော်ဘူ(ကျား)နှင့် အသက် (၄၀)အရွယ် မီညီး(မ) တို့ကို တာချီလိတ်မြို့မရဲစခန်းတွင် အမှုဖွင့် အရေးယူထားပြီး ကွင်းဆက်တရားခံများကို ဖမ်းဆီးနိုင်ရေး ဆောင်ရွက်လျှက်ရှိကြောင်းသိရသည်။
Mekong News 