တီဟီရန်၊ ဇန်နဝါရီ ၈
အမေရိကန်နှင့် အီရန်အကြား တင်းမာမှုများ ဖြစ်ပွားနေချိန်တွင် ယူကရိန်လေကြောင်းပိုင် လေယာဉ်တစ်စင်း ဇန်နဝါရီလ ၈ရက် နံနက်အစောပိုင်းက အီရန်မြို့တော် တီဟီရန်မှ ထွက်ခွာပြီး မကြာခင်တွင် ပျက်ကျသွားကြောင်း အီရန်မှလာသည့် သတင်းများကို ကိုးကားပြီး အယ်လ်ဂျားဇီးယား သတင်းဌာနက ဖော်ပြသည်။
ခရီးသည် (၁၈၀)ဦး ပါဝင်သည့် အဆိုပါလေယာဉ်သည် အီရန်နိုင်ငံ၊ တီဟီရန်မြို့တော်လေဆိပ်ဖြစ်သည့် အိုင်မန်ခိုမေနီ လေဆိပ်မှ ထွက်ခွာသွားပြီး မကြာမီ ပျက်ကျသွားခြင်းဖြစ်သည်။
ပျက်ကျသွားသည့်အကြောင်း သတင်းထုတ်ပြန်ချက်များကို မရှိသေးပေ။
လေယာဉ်လမ်းကြောင်းများကို ဖော်ပြာသည့် Flightradar 24 ဝက်ဘ်ဆိုဒ်မှ အချက်အလက်များအရ ယူကရိန်းလေကြောင်းမှ လေယာဉ် 752 သည် ဒေသစံတော်ချိန် နံနက် ၅နာရီ ၁၅မိနစ်တွင် ထွက်ခွာရမည် ဖြစ်သော်လည်း တစ်နာရီကျော်ကြာသည်အထိ ထွက်ခွာမှုမပြသေးကြောင်းတွေ့ရသည်။
အီရန် ISNA သတင်းအေဂျင်စီမှ ဖော်ပြသည့် ရုပ်သံတွင် ပေါက်ကွဲမှုမဖြစ်ခင် လေယာဉ်မှ မီးရောင်ခပ်မှိန်မှိန်ကို မြင်ခဲ့ရသည်။
Ref: Aljazeera
Mekong News 