တာချီလိတ်၊ ဇန်နဝါရီ ၁၀
တာချီလိတ်ဘက်မှ မောင်းနှင်လာသည့် ဆိုင်ကယ်တစ်စီးကို လွယ်တော်ခမ်းစစ်ဆေးရေးဂိတ် ကွင်းရှောင်လမ်းတွင် ဇန်နဝါရီလ ၉ရက် နေ့လည်ပိုင်းက စစ်ဆေးရာ စိတ်ကြွဆေးပြား ၄၀၀၀ ပြား ဖမ်းဆီးရမိကြောင်း ရဲတပ်ဖွဲ့ထံမှ သိရသည်။
ဇန်နဝါရီလ ၉ရက် နံနက် ၁၁နာရီခွဲခန့်က လွမ်တော်ခမ်းဂိတ်ကွင်းရှောင်လမ်းတွင် မူးယစ်တပ်ဖွဲ့နှင့် ပူးပေါင်းအဖွဲ့က စောင့်ဆိုင်းနေစဉ် လီဆော်ဆိုသူ မောင်းနှင်ပြီး အားဆားလိုက်ပါလာသည့် ဆိုင်ကယ်ကို တားဆီးစစ်ဆေးရာ အားဆားကိုင်ထားသည့် ကြွပ်ကြွပ်အိတ်အတွင်းမှ စိတ်ကြွဆေးပြား ၄၀၀၀ ပြားကို ဖမ်းဆီးရမိခဲ့ကြောင်း သိရသည်။
စိတ်ကြွဆေးပြားများနှင့် အတူ ဖမ်းဆီးရမိသည့် လီဆောနှင့် အားဆားဆိုသူကို တာချီလိတ်မြို့မရဲစခန်းတွင် အမှုဖွင့် အရေးယူထားပြီး ကွင်းဆက်တရားခံများ ဖမ်းဆီးရမိရေး ဆောင်ရွက်လျက်ရှိကြောင်း သိရသည်။
Mekong News 