တာချီလိတ်၊ ဇန်နဝါရီ ၁၃
လမ်းဖြတ်ကူးလာသည့် ကိုရင်လေးတစ်ပါကို တာချီလိတ်-ကျိုင်းတုံသွားလမ်းဆုံမှ လေယာဉ်ကွင်းလမ်းဆုံဘက်သို့ လာသည့် ကားတစ်စီးမှ တိုက်မိရာ ပွဲချင်းပြီး သေဆုံးပျံလွန်တော်မူ သွားကြောင်း သိရသည်။
ဇန်နဝါရီလ ၁၂ရက် ည ၈နာရီခန့်က တာချီလိတ်မြို့၊ ဆေခမ်းရပ်ကွက်၊ ဝမ်ဟောင်ရွာဘုန်ကြီးကျောင်းရှေ့ တွင် လမ်းဖြတ်ကူးလာသည့် အသက် (၁၁)နှစ် အရွယ် ကိုရင်နာလထကို တာချီလိတ်-ကျိုင်းတုံသွားလမ်းဆုံမှ လေယာဉ်ကွင်းလမ်းဆုံဘက်သို့ မောင်းနှင်လာသည့် ကားတစ်စီးမှ တိုက်မိခဲ့ပြီး အခင်းဖြစ်ပွားရာ နေရာတွင်ပင် ကိုရင်နာလထမှာ သေဆုံးပျံလွန်တော်မူသွားကြောင်း ယာဉ်ထိန်းရဲတပ်ဖွဲ့မှ သိရသည်။
တိုက်မိသည့် ကားမှာ မောင်းနှင်ထွက်ပြေးသွားသည့်အတွက် ဖမ်းဆီးရမိရေး ဆောင်ရွက်လျှက်ရှိကြောင်း သိရသည်။
Mekong News 