ဘန်ကောက်၊ ဇန်နဝါရီ ၁၄

၂၀၁၈ ခုနှစ်၊ စက်တင်ဘာနောက်ပိုင်းတွင် ဘန်ကောက်ရှိအဓိကခရိုင် ၂ ခုတွင် လူ ၄ သောင်းနီးပါး အသက်ရှူလမ်းကြောင်းဆိုင်ရာဝေဒနာများအတွက် ကုသမှုခံယူနေရကြောင်း ဘန်ကောက်မြို့တော်အုပ်ချုပ်ရေးအဖွဲ့၊ ကျန်းမာရေးဌာနက တနင်္လာနေ့တွင် အစီရင်ခံစာထုတ်ပြန်ခဲ့သည်။

ထိုခရိုင် ၂ ခရိုင်တွင် လေထုထဲရှိအန္တရာယ်ရှိသောအမှုန် လုံခြုံမှုမရှိသောအဆင့်ရှိနေသည်ဟု ဘန်ကောက်မြို့တော်အုပ်ချုပ်ရေးအဖွဲ့၊ ပတ်ဝန်းကျင်ဆိုင်ရာဌာနကလည်း တနင်္လာနေ့တွင် အစီရင်ခံခဲ့သည်။

“ဘန်ကောက်ရဲ့အဓိကခရိုင် ၂ ခုဖြစ်တဲ့ ဖရာနခွန်နဲ့ ဝမ်သောင်လန်တို့မှာ ပြီးခဲ့တဲ့ ၂၄ နာရီအတွင်း လေထုထဲမှာ အန္တရာယ်ရှိတဲ့အမှုန် (PM 2.5)ပါဝင်မှု တစ်ကုဗမီတာကို ၃၁ ကနေ ၅၄ မီလီဂရမ်ပါဝင်နေပြီးတော့ ဘေးကင်းလုံခြုံတဲ့ပမာဏကတော့ တစ်ကုဗမီတာမှာ ၅၀ မိုက်ခရိုမီလီဂရမ်ဖြစ်ပါတယ်”လို့ ဘန်ကောက်မြို့တော်အုပ်ချုပ်ရေးအဖွဲ့၊ ပတ်ဝန်းကျင်ဆိုင်ရာဌာနက ထုတ်ပြန်သည်။

Source- Khaosod

ဥက္ကာ #MeKongNews

Photo- Khaosod