တီဟီရန်၊ ဇန်နဝါရီ ၁၅

ယူကရိန်းအရပ်သားလေကြောင်းလိုင်းပိုင် လေယာဉ်တစ်စင်းကို ပစ်ချခဲ့သူတွေကို ဖမ်းဆီလိုက်ကြောင်း အီရန်က အင်္ဂါနေ့တွင်ပြောသည်။

မှားယွင်းပစ်ချခဲ့ကြောင်း အီရန်စစ်တပ်က နောက်ပိုင်းမှာဝန်ခံခဲ့ပြီးနောက် နိုင်ငံတဝန်းမှာ ၄ ရက်ကြာဆန္ဒပြမှုများတွင်ပါဝင်သူ ၃၀ ခန့်ကို ထိန်းသိမ်းထားကြောင်းလည်းပြောသည်။

စေစေ့စပ်စပ်စစ်ဆေးသွားမည်ဟုလည်း အီရန်သမ္မတဟတ်ဆန် ရိုဟာနီက အင်္ဂါနေ့တွင် ကတိပြုခဲ့သည်။

လုံခြုံရေးကင်မရာမှတ်တမ်းများအရ လေဆိပ်ကခွာပြီး စက္ကန့် ၃၀ အကြာမှာ လေယာဉ်ကို ဒုံးကျည် ၂ စင်းထိမှန်ခဲ့ကြောင်း နယူးယောက်တိုင်းမ်စ်သတင်းစာက အင်္ဂါနေ့တွင်ဖော်ပြသည်။

မြေပြင်မှဝေဟင်ပစ်ဒုံးကျည် ၂ စင်း၏ အပူများကို လေယာဉ်နားတွင် ထောက်လှမ်းမိခဲ့ကြောင်း အမေရိကန်ထောက်လှမ်းရေးအရာရှိများက ဇန်နဝါရီ ၉ ရက်တွင်ပြောသည်။

ဗြိတိန်၊ ပြင်သစ်နဲ့ ဂျာမနီတို့ကလည်း အီရန်ကို သံတမန်ရေးဖိအားတွေတိုးမြှင့်ပေးနေပြီး ၂၀၁၅ ခုနှစ် အီရန်နျူကလီးယား သဘောတူစာချုပ် (JCPOA)က ကန့်သတ်ချက်များကို အီရန်ချိုးဖောက်ခဲ့ကြောင်း စိန်ခေါ်ရန် အငြင်းပွားမှုဖြေရှင်းရေးယန္တရား စတင်ခဲ့သည်။

ဇန်နဝါရီ ၃ ရက်တွင် အီရန်မှအာဏာအရှိဆုံးတပ်မှူးတစ်ယောက်ကို အမေရိကန်က အီရတ်တွင် မောင်းသူမဲ့ဒရုန်းလေယာဉ်ဖြင့် လုပ်ကြံခဲ့ပြီးနောက် အီရန်နှင့် အနောက်ကမ္ဘာထိပ်တိုက်တွေ့ဆုံမှုပိုမြင့်တက်နေသည်။

Source- Reuters

ဥက္ကာ #MeKongNews

Photo- Press TV