ဝါရှင်တန်ဒီစီ၊ ဇန်နဝါရီ ၁၄

တရုတ်နှင့်ရုရှားအပါအဝင် အမေရိကန်၏ ရန်သူများခြိမ်းခြောက်နေမှုများကိုတားဆီးရန် ကျယ်ပြန့်သည့် မဟာဗျူဟာတစိတ်တပိုင်းအနေဖြင့် အီရန်တော်လှန်ရေးအစောင့်တပ်ဖွဲ့မှ အထူးစစ်ဆင်ရေးနှင့် aထာက်လှမ်းရေးဆိုင်ရာတပ်မှူး ဒုတိယဗိုလ်ချုပ် ကာဆမ် ဆိုလမ်မာနီကိုလုပ်ကြံခဲ့ရခြင်းဖြစ်သည်ဟု အမေရိကန်နိုင်ငံခြားရေးဝန်ကြီးမိုက် ပွန်ပီယိုက တနင်္လာနေ့တွင်ပြောသည်။

ထိုပြောဆိုမှုကြောင့် အီရန်ဗိုလ်ချုပ်က အမေရိကန်အပေါ် တိုက်ခိုက်နိုင်ချေရှိသည့်ဖြစ်ရပ်များစီစဉ်နေကြောင်း ခိုင်ခိုင်မာမာပြောဆိုခြင်းများကို အားလျော့သွားစေသည်။

စတန်းဖို့တက္ကသိုလ်တွင် မိန့်ခွန်းပြောစဉ်ထည့်သွင်း ပြောဆိုခဲ့ခြင်းဖြစ်ပြီး အီရန်ကိုအမှန်တကယ်တားဆီးနိုင်ရန် အမေရိကန်အစိုးရမူဝါဒများကို မိန့်ခွန်းတွင် အလေးပေးပြောဆိုခဲ့သည်။

အစောပိုင်းရီပတ်ဘလစ်ကန်နှင့် ဒီမိုကရတ်မူဝါဒများက အီရန်၏ မလိုမုန်းထားမှုရှိသည့်လုပ်ရပ်များကို အားပေးခဲ့ကြောင်းမူဝါဒများဟု ပြောခဲ့ပြီးနောက် ယခုကဲ့သို့ပြောဆိုခဲ့ခြင်းဖြစ်သည်။

အမေရိကန်ပစ်မှတ်မျာ းတိုက်ခိုက်ခံရနိုင်ကြောင်း မဖွင့်ချထားသည့်ထောက်လှမ်းရေး အချက်အလက်များကြောင့် ကိုယ့်ကိုယ်ကိုကာကွယ်ခဲ့ခြင်းဆိုသည့် အမေရိကန်အစိုးရ၏ပြောဆိုမှုကို ဒီမိုကရက်နှင့် ရီပတ်ဘလစ်ကန်အမတ်တချို့က စိန်ခေါ်ပြောဆိုခဲ့သည်။

ပစ်မှတ်ထားခံနိုင်ချေရှိသည်များတွင် အမေရိကန်သံရုံး ၄ ခုပါဝင်နေကြောင်း အမေရိကန်သမ္မတဒေါ်နယ် ထရမ့်ကပြောထားသည်။

သံရုံးများတိုက်ခိုက်ခံရနိုင်ချေရှိကြောင်း ကြိုတင်သတိပေးသည့်ထောက်လှမ်းရေးအချက်အလက်များမရထားကြောင်း တနင်္ဂနွေနေ့တွင် အမေရိကန်ကာကွယ်ရေးဝန်ကြီး မာ့က် အက်စပါကပြောသည်။

ဆိုလမ်မာနီက ခြိမ်းခြောက်မှုဖြစ်နေနေ၊ မနေနေ အရေးမကြီးကြောင်း ထရမ့်က တနင်္လာနေ့တွင်ပြောခဲ့သည်။

Source- Reuters

ဥက္ကာ #MeKongNews

Photo- US State Department