တာချီလိတ်၊ ဇန်နဝါရီ ၁၆
လမ်းဘေးတွင် ပစ်ထားသည့် Red Kangaroo အချိုရည်ဖာကို ရဲတပ်ဖွဲ့မှ မသင်္ကာသဖြင့် ရှာဖွေ စစ်ဆေးရာ အတွင်းမှ စိတ်ကြွဆေးပြား တစ်သိန်းခန့်ကို ဇန်နဝါရီလ ၁၆ရက် နံနက်အစောပိုင်းက သိမ်းဆည်းရမိသည်။
ရဲတပ်ဖွဲ့ဝင်များ ပါဝင်သည့် ပူးပေါင်းအဖွဲ့သည့် မြို့ပေါ်ရပ်ကွက်အတွင်း လှည့်ကင်းဆောင်ရွက်နေစဉ် တာချီလိတ်မြို့၊ မကာအိုခမ်းရပ်ကွက်အတွင်းတွင် မသင်္ကာဖွယ် Red Kangaroo အချိုရည်ဖာကို တွေ့ရှိသဖြင့် ဖွင့်ဖောက်စစ်ဆေးရာ စိတ်ကြွဆေးပြား (၉၉၆၀၀)ပြားကို သိမ်းဆည်းရမိခြင်း ဖြစ်ကြောင်း ရဲတပ်ဖွဲ့၏ မှတ်တမ်းတမ်းအရ သိရသည်။
ပိုင်ရှင်မဲ့ သိမ်းဆည်းရမိသည့် စိတ်ကြွဆေးပြားများနှင့် ပတ်သက်သည့် တရားခံများကို ဖမ်းဆီးရမိရေး ဆောင်ရွက်လျှက်ရှိကြောင်း သိရသည်။
Mekong News 