ဖနွမ်းပင်၊ ဇန်နဝါရီ ၁၅

ကမ္ဘောဒီးယားနိုင်ငံမြို့တော်ဖနွမ်းပင်တွင် နိုင်ငံတော်သစ္စာဖောက်မှု တရားခွင်စတင်ချိန် နိုင်ငံခြားအင်အားကြီးနိုင်ငံများနှင့် ပူးပေါင်းဆောင်ရွက်မှုမရှိကြောင်း ကမ္ဘောဒီးယားအတိုက်အခံခေါင်းဆောင် ကမ်ဆွတ်ခက ငြင်းဆိုခဲ့သည်။

“ကမ္ဘောဒီးယားနိုင်ငံကို ကျူးကျော်ဖို့၊ အတိုက်အခံလုပ်ဖို့ တခြားနိုင်ငံတွေနဲ့ နိုင်ငံခြားအေးဂျင်တွေကို ကျွန်တော်ခေါ်မလာခဲ့ပါဘူး” ဟု ဆွတ်ခကပြောသည်။

သတင်းထောက်များကို တရားရုံးဝင်ခွင့်ပိတ်ခံထားရသော်လည်း အမေရိကန်အထောက်အပံ့ယူထားသည်ဟု ဆွတ်ခကိုစွပ်စွဲကြောင်း သူ့ရှေ့နေကပြောသည်။

တရားခွင်ကိုယ်တိုင်က လူ့အခွင့်အရေးချိုးဖောက်မှုဖြစ်ကြောင်း လူ့အခွင့်အရေးအဖွဲ့များကပြောသည်။

အမေရိကန်အထောက်အပံ့ကို ဆွတ်ခကာလရှည်ရခဲ့ကြောင်း စွပ်စွဲချက်များမှာ ၂၀၁၃ ခုနှစ်က သြစတြေးလျတွင် ပြောခဲ့သောမိန့်ခွန်းမှတ်တမ်းဗီဒီယိုကိုအခြေခံကြောင်း သူ့ရှေ့နေက သတင်းထောက်များကို တရားရုံးခေတ္တရပ်နားစဉ်ပြောသည်။

တရားရုံးတွင် အစိုးရရှေ့နေက ဗီဒီယိုမှတ်တမ်းတိုတစ်ခုပြသခဲ့ကြောင်း ကမ္ဘောဒီးယားမီဒီယာများတွင် ဖော်ပြသည်။

နာရီပိုင်းကြာသည့် ဗီဒီယိုအပြည့်အဝကိုပြသနိုင်ခြင်းရှိ၊ မရှိ ဆွတ်ခ၏ရှေ့နေကမေးခဲ့သည်။

၃၅ နှစ်ကြာအာဏာချုပ်ကိုင်ထားသည့် ဝန်ကြီးချုပ်ဟွန်ဆန်ထံမှ အာဏာသိမ်းရန်စီစဉ်ခဲ့ကြောင်း ဆွတ်ခကို စွပ်စွဲထားသည်။

သတင်းသမားအနည်းငယ်ကိုသာ တရားရုံးတွင်းဝင်ရောက်ခဲ့ကြောင်း သတင်းစာဆရာတချို့ကပြောသည်။

တရားခွင် ၃ လ ခန့်ကြာမြင့်နိုင်ကြောင်းလည်း ခန့်မှန်းပြောဆိုနေသည်။

အပြစ်ရှိကြောင်းတွေ့ရှိပါက ထောင်အနှစ် ၃၀ ကျခံရနိုင်သည်။

Source- BBC

ဥက္ကာ #MeKongNews

Photo- Phnom Penh Post