တာချီလိတ်၊ ဇန်နဝါရီ ၁၇

ရှမ်းပြည်နယ် ဝန်ကြီးချုပ်မှ ချီးမြှင့်သည့် ထူးချွန်ဆုများထဲမှ လုံခြုံရေးနှင့် တရာဥပဒေစိုးမိုးရေးဆိုင်ရာ လုံခြုံဆု၊ မွေးမြူရေးထူးချွန်ဆုနှင့် လူမှုထူးချွန်ဆု တစ်ဆုစီကို တာချီလိတ်မြို့မှ လူပုဂ္ဂိုလ် (၂)ဦးနှင့် ပရဟိတအသင်း တစ်သင်းမှ ရရှိခဲ့သည်။

ဇန်နဝါရီလ ၇ရက် ရက်စွဲဖြင့် ထုတ်ပြန်ထားသည့် ထူးချွန်ဆု ချီးမြှင့်စာတွင် လုံခြုံရေးနှင့် တရာဥပဒေစိုးမိုးရေးဆိုင်ရာ လုံခြုံဆု (တတိယအဆင့်)ကို တာချီလိတ်မြို့နယ် ခရိုင်လုံခြုံရေးတပ်ဖွဲ့မှူး ဒုရဲမှူးစံသိန်းက လည်ကောင်း၊ မွေးမြူရေးထူးချွန်ဆု (တတိယအဆင့်)ကို တာချီလိတ်မြို့နယ်မှ အသားတိုး ကျွဲ/နွား မွေးမြူရေးခြံလုပ်ကိုင်သူ ဦးဝင်းလွင်ဦးက လည်ကောင်း၊ လူမှုထူးချွန်ဆု (တတိယအဆင့်)ကို တာချီလိတ်နာရေးကူညီမှုအသင်းကလည်ကောင်း ရရှိခဲ့သည်။

ထူးခြားမှုအနေဖြင့် စီမံထူးချွန်မှု ပထမအဆင့်ကို ရှမ်းယူနိုက်တက်အသင်းမှ ရရှိခဲ့ပြီး လူမှုထူးချွန်ဆု (ပထမ)အဆင့်ကို နိုင်ငံကျော် ရှမ်းလူမျိုး ဂီတပညာရှင်များဖြစ်သည့် စိုင်းထီးဆိုင်၊ ဒေါက်တာစိုင်းခမ်းလိတ်နှင့် စိုင်းဆိုင်မောဝ် တို့က ရရှိခဲ့ကြောင်း သိရသည်။

ဆုရရှိသူစာရင်း အပြည့်အစုံကို အောက်တွင် ကြည့်ရှု့နိုင်သည်။

MK-001

MeKongNews