တာချီလိတ်၊ ဇန်နဝါရီ ၁၇
တာချီလိတ်မြို့နယ်၊ ဝမ်ပုံကျေးရွာတွင် ထင်းခုတ်နေသည့် ကျေးရွာသား(၂)ဦး ဇန်နဝါရီလ ၁၆ရက် နံနက် ၁၁နာရီခန့်က ဆင်နင်းခံရသဖြင့် ဆေးရုံတက်ခဲ့ရကြောင်း သစ်တောဦးစီးဌာနမှ သိရသည်။
ဇန်နဝါရီလ ၁၆ရက် နံနက် ၁၁နာရီခန့်တွင် ဝမ်ပုံကျေးရွာ၌ ထင်ခုတ်နေသည့် ဦီးလုံကျောက်နှင့် ဦးအိုက်ပျဲန် တို့ (၂)ဦးကို ဆင်ရိုင်းတစ်ကောင်က နောက်မှလိုက်ကာ တက်နင်းခဲ့သဖြင့် တာချီလိတ်ခရိုင်ဆေးရုံကြီးတွင် မစိုးရိမ်ရ လူနာအဖြစ် တက်ရောက်ကုသနေရကြောင်း မိုင်းဖုန်းဘိနယ် တာဝန်ကျ သစ်တော ဝန်ထမ်းတစ်ဦးက ပြောသည်။
“ဆင်ကတော့ လာအိုဘက်ကလာတဲ့ ဆင်ရိုင်းလို့ပဲ ယူဆရတယ်။ ဒီဘက်မှာ ပုံမှန်အားဖြင့် ဆင်ရိုင်းမရှိဘူး” ဟု က ပြောသည်။
အခင်းဖြစ်ရာ နတ်စင်တောအတွင်း ရဲတပ်ဖွဲ့နှင့် သစ်တောဦးစီးဌာနတို့ ပူးပေါင်းကာ ဆင်ရိုင်းကို တောနင်းရှာဖွေလျက်ရှိကြောင်း သိရသည်။
Mekong News 