The Hague၊ ဇန်နဝါရီ ၂၃
ဘင်္ဂါလီများကို လူမျိုးတုန်းသတ်ဖြတ်မှုနှင့် ပတ်သက်ပြီး ဂမ်ဘီယာနိုင်ငံ၏ စွဲချက်ကိုလက်ခံပြီး ကြားဖြတ်ကာကွယ်ရေးအစီအစဉ်များလည်း ချမှတ်လိုက်ကြောင်း နိုင်ငံတကာတရားရုံး ICJက ဇန်နဝါရီ ၂၃ ရက် ကြာသပတေးနေ့တွင် ဆုံးဖြတ်လိုက်သည်။
စွဲချက်လက်ခံ၊ မခံ နှစ်ဖက်အပြန်အလှန်လျှောက်လဲခွင့်ပေးရန် ICJက ၂၀၁၉ ခုနှစ်၊ နိုဝင်ဘာ ၁၈ ရက်မှာ ထုတ်ပြန်ခဲ့ပြီး ပြီးခဲ့သည့် ဒီဇင်ဘာတွင် စွပ်စွဲခံမြန်မာနိုင်ငံနှင့် စွဲချက်ရန်စီစဉ်သည့် ဂမ်ဘီယာနိုင်ငံတို့ တစ်ဖက်နှင့်တစ်ဖက် အပြန်အလှန်လျှောက်လဲချက်ပေးခဲ့ပြီးနောက် ယခုလိုဆုံးဖြတ်ခဲ့ခြင်းဖြစ်သည်။
ကြားဖြတ်ကာကွယ်ရေး အစီအစဉ်များအနေနှင့် ဘင်္ဂါလီများကို လူမျိုးတုန်းသတ်ဖြတ်သည်ဟု ဆိုသည့်ကိစ္စများကို မြန်မာအစိုးရက ရပ်တန့်ပေးရန်၊ ၄ လအတွင်းဆောင်ရွက်မှုအားလုံးကို တရားရုံးဆီ အစီရင်ခံရန်အပါအဝင် အချက် ၄ ချက်ကိုလည်း ဆုံးဖြတ်လိုက်သည်။
ကြိုတင်ကာကွယ်ရေး အစီအစဉ်များချမှတ်ရန် တရားသူကြီး ၁၇ ယောက်စလုံးက တညီတညွတ်တည်း ဆုံးဖြတ်လိုက်သည်။
ဒီဖြစ်ရပ်ကြောင့် မြန်မာနိုင်ငံအနေနှင့် နိုင်ငံတကာတရားရုံးတွင် လူမျိုးတုန်းသတ်ဖြတ်မှုမြောက်၊ မမြောက်ဆက်ပြီး တရားရင်ဆိုင်ရတော့မည်ဖြစ်သည်။
Mekong News 