တာချီလိတ်၊ ဇန်နဝါရီ ၂၄
တာချီလိတ်-မိုင်းဆတ်သွား ကားလမ်းဘေးရှိ တောင်ယာတဲတစ်ခုကို ဝင်ရောက်ရှာဖွေရာ Sponsor အချိုရည်ပုလင်းဖြင့် ထည့်ထားသည့် ဘိန်းဖြူ (၁၄၀)ဂရမ်ကို ဇန်နဝါရီလ ၂၃ရက် နေ့လည်ပိုင်းက ဖမ်းဆီးရမိသည်။
မူးယစ်တပ်ဖွဲ့ဝင်များ ပါဝင်သည့် ပူးပေါင်းအဖွဲ့သည် သတင်းအရ လွယ်တော်ခမ်းကျေးရွာအုပ်စု တာချီလတ်-မိုင်းဆတ်သွားကားလမ်းဘေး ဟွေရဲမြို့ရှောင်လမ်းအနီးရှိ တောင်ယာတဲတစ်ခုကို ဝင်ရောက်ရှာဖွေရာ အားရှင်ဆိုသူကို ဘိန်းဖြူမှုန့် ထည့်ထားသည့် Sponsor အချိုရည်ပုလင်းနှင့်အတူ ဖမ်းဆီးရမိခြင်း ဖြစ်ကြောင်း တာချီလိတ်မြို့မရဲစခန်းမှ သိရသည်။
မူးယစ်ဆေးဝါးနှင့်အတူ ဖမ်းဆီးရမိသည့် အသက် (၄၇)နှစ်အရွယ် အားရှင်ဆိုသူကို တာချီလိတ်မြို့မ ရဲစခန်းတွင် မူးစိတ်ပုဒ်မ ၁၉(က)အရ အမှုဖွင့် အရေးယူထားပြီး ကွင်းဆက်တရားခံများကို ဖမ်းဆီးရမိရေး ဆောင်ရွက်လျှက်ရှိကြောင်း သိရသည်။
Mekong News 