ဘေကျင်း၊ ဖေဖော်ဝါရီ ၁၂

ဝူဟန်ဗိုင်းရပ်စ်ကြောင့် သေဆုံးသူ အရေအတွက်သည့် ဖေဖော်ဝါရီလ ၁၂ရက် နံနက်အစောပိုင်း စာရင်းအရ ၁၁၁၃ ဦး ရှိလားပြီး ယမန်နေ့ကထက် ၉၇ဦး တိုးလာကြောင်း တရုတ်အမျိုးသား ကျန်းမာရေးကော်မရှင်က ပြောသည်။

ထပ်မံသေဆုံးသူ ၉၇ဦးအနက် ၉၄ဦးမှာ ဟူဘေးခရိုင်မှ ဖြစ်ပြီး ယင်းထဲမှ ၇၂ဦးမှာ ဝူဟန်မြို့က ဖြစ်သည်။

အသစ်ထပ်မံကူးစက်ခံရသူ အရေအတွက်မှာ ၂၀၁၅ ဦးဖြစ်ပြီး ဇန်နဝါရီလ ၃၀ရက်နောက်ပိုင်း ကူးစက်သူ တိုးတက်နှုန်း အနိမ့်ဆုံးဖြစ်သို့ ရောက်ရှိလာခြင်းဖြစ်ကြောင်း ကျန်းမာရေးကော်မရှင်က ပြောသည်။

တရုတ်အကြီးတန်းဆေးပညာအကြံပေးက ဝူဟန်ဗိုင်းရပ်စ် ပျံ့နှံမှုမှာ လာမည့် ဧပြီလလောက်တွင် ထိန်းချုပ်နိုင်မည်ဟု ခန့်မှန်းထားပြီး လတ်တလော ရောဂါကူးစက်ပျံ့နှံမှုမှာ ကျဆင်းလာသည်။

ယမန်နေ့က ဂျီနီဗာတွင် ကျင်းပသည့် WHO ညီလာခံတွင် ဝူဟန်ဗိုင်းရပ်စ်ကို COVID-19 ဟု အမည်ပေးလိုက်သည်။

ရောဂါဖြစ်ပွားမှု၏ ၉၉ ရာခိုင်နှုန်းသည် တရုတ်နိုင်ငံတွင်း၌ ဖြစ်ပြီး အလွန်တရာအရေးပေါ်အခြေအနေတွင် ရှိနေသေးကြောင်း WHOအကြီးအကဲ တက်ဒ်ရိုစ့်အဒ်ဟန်နွမ်က ပြောသည်။

တရုတ်အာဏာပိုင်များက အင်္ဂါနေ့က အကြီးတန်းကျန်းမာရေး အရာရှိနှစ်ဦးကို ထုတ်ပယ်လိုက်ပြီး လူသန်းပေါင်းများစွာကို မြို့တွင်းပိတ်ဆို့မှုများ ဆက်လက်လုပ်ဆောင်ထားသည်။

Ref: CNA
Photo: AFP/Hector Retamal

MeKongNews