ကိုရိုနာဗိုင်းရပ်စ်ကြောင့် အရှေ့အလယ်ပိုင်းဒေသတွင် ပထမဆုံး လူသေဆုံးမှုဖြစ်ပွား

တီဟီရန်၊ ဖေဖော်ဝါရီ ၂၀

ကိုရိုနာဗိုင်းရပ်စ် COVID-19ကူးစက်ခံထားရကြောင်းတွေ့ရှိပြီးနောက် အီရန်နိုင်ငံမှ သက်ကြီးရွယ်အို ၂ ယောက်သေဆုံးခဲ့သည်။

ဗုဒ္ဓဟူးနေ့မှသေဆုံးမှုများသည် ဗိုင်းရပ်စ်ပျံနှံ့ပြီးနောက်ပိုင်း အရှေ့အလယ်ပိုင်းတွင် ပထမဆုံးသေဆုံးမှုဖြစ်လာသည်။

တီဟီရန်မြို့တောင်ဘက်ရှိကွမ်မြို့ခံ လူကြီးနှစ်ယောက် ဗိုင်းရပ်စ်ကူးစက်ခံရမှုကြောင့် သေဆုံးခဲ့ကြောင်း အီရန်ကျန်းမာရေး၀န်ကြီး၏ အကြံပေးပုဂ္ဂိုလ်အလီရီဇာ ဗာဟတ်ဇာဒါကပြောသည်။

သေဆုံးသူများ မည်သူမည်ဝါဖြစ်ကြောင်းနှင့် အသက်အတိအကျကို မသိရသေးချေ။

လက်ရှိတွင် ဗိုင်းရပ်စ်ကြောင့် သေဆုံးသူ ၂၀၀၀ ကျော်ရှိနေပြီး ကမ္ဘာ့အနှံ့ကူးစက်ခံရသူ ၇၅၀၀၀ ကျော်ရှိနေသည်။

အီရန်နိုင်ငံမှသေဆုံးသူ ၂ ယောက်သည် အီရန်တွင် ပထမဆုံးဗိုင်းရပ်စ်ကူးစက်ခံရသူများဖြစ်ပြီး တရုတ်ပြည်မကြီးပြင်ပတွင် ဗိုင်းရပ်စ်ကြောင့် ၇ ယောက်နှင့် ၈ ယောက်မြောက်သေဆုံးသူများဖြစ်သည်။

Source – Al Jazeera
#ဥက္ကာ #MeKongNews
Photo- IRNA