ဘာသာပြန်

ဘန်ကောက်၊ ဒီဇင်ဘာ ၃ ထိုင်းနိုင်ငံမှ အာဏာရှင်ထောက်ခံသည့် အဖွဲ့အစည်းများက ဒီမိုကရေစီပြောင်းလဲမှုများကို ဆက်လက် ခုခံနေပါက လမ်းပေါ်ထွက်ဆန္ဒပြမှုများ ပြန်လည်မြင်တွေ့ရနိုင်သည်ဟု ထိုင်းနိုင်ငံရဲ့ အထင်ရှားဆုံး အတိုက်အခံပါတီ Future Forward ခေါင်းဆောင်က ပြောသည်။ လာမည့်လတွင် Future Forwardပါတီ ဖျက်သိမ်းခံရမလားဟု တရားသူကြီးများဆုံးဖြတ်ရန်ရှိနေချိန်တွင် ယခုလိုပြောဆိုခြင်း ဖြစ်သည်။ ထိုင်းရဲတပ်ဖွဲ့၊ ရှေ့နေချုပ်၊ ဖွဲ့စည်းပုံအခြေခံဥပဒေဆိုင်ရာခုံရုံးနှင့် ရွေးကောက်ပွဲကော်မရှင်တို့က ပါတီနှင့် ပါတီအရာရှိကြီးများကို ပုဒ်မ ၂ ဒါဇင်ကျော်ဖြင့် ခေါင်းချိုးထားသည်ဟု သာနာသွန်း ဂျွမ်ဂရွန်ဂရောင်ကစ်က ပြောသည်။အာဏာရှင်တွေက လူတွေအပြင်ထွက်အောင်လုပ်နေတယ်ဟု သာနာသွန်းကပြောသည်။ “အခြေအနေတွေထိန်းနိုင်တယ်လို့ သူတို့ကမြင်တဲ့ပုံပေါ်ပေမဲ့ လူတော်တော်များများက တခြားနည်းနဲ့တွေးမှာပါ။ ကျွန်တော်မယုံပါဘူး။ ဒါတော်တော်အန္တရာယ်များတဲ့ အလောင်းအစားပဲ” ဟုပြောသည်။ ထိုင်းစစ်တပ်က အာဏာဆက်ယူထားခြင်းကို ဝေဖန်နေသူသာနာသွန်းက အာဏာသိမ်းမှုများ ဖြစ်ခဲ့သည့် ရာဇဝင်ရှိသော နိုင်ငံတွင် …

Continue reading “တင်းမာမှုမြင့်လာချိန်တွင် ဆန္ဒပြပွဲများပြန်ဖြစ်လာနိုင်ချေရှိဟု ထိုင်းအတိုက်အခံပါတီခေါင်းဆောင် ပြော”

ဘန်ကောက်၊ ဒီဇင်ဘာ ၃ နိုင်ငံတဝှမ်းရှိ အစိုးရကျောင်းများတွင် အင်္ဂလိပ်စာအတန်းများ ပိုမိုတိုးမြှင့်ပေးရန် တနင်္လာနေ့က အစည်းအဝေးအပြီးတွင် ထိုင်းပညာရေးဝန်ကြီးဌာနက ဆုံးဖြတ်ခဲ့သည်။ အထူးအင်္ဂလိပ်စာအတန်းများကြောင့် ဥရောပဘာသာစကားအညွှန်း အခြေခံမူဘောင်(CEFR)တွင် ထိုင်းကျောင်းသားများအနိမ့်ဆုံး B2အဆင့်တွင် ရှိလိမ့်မည်ဟု ထိုင်းအခြေခံပညာရေးကော်မရှင်ရုံး အထွေထွေအတွင်းရေးမှူး အမ်နက် ဝီချာယာနူဝက်ကပြောသည်။ CEFRအဆင့်အတန်းသည် ဥရောပနိုင်ငံများကြားတွင် ရေပန်းစားပြီး နိုင်ငံတကာလက်ခံသည့် သတ်မှတ်ချက်ဖြစ်သည့်အပြင် နိုင်ငံခြားဘာသာစကားလေ့လာသူများကို စွမ်းရည်အကဲဖြတ်ရာတွင် အများဆုံး လက်ခံကြသောတိုင်းတာမှုတစ်ခုလည်းဖြစ်သည်။ အင်္ဂလိပ်ဆရာများထပ်တိုးရှာရန် နိုင်ငံခြားသံရုံးများနှင့်လည်း ဝန်ကြီးဌာနက ဆွေးနွေးနေသည်။ အပိုသင်တန်းများကို လာမည့်စာသင်နှစ်ကစပြီး နိုင်ငံတဝန်းရှိ အစိုးရကျောင်းများတွင် မိတ်ဆက်သွားမည်ဟုလည်း သိရသည်။ ၂၀၁၈ ခုနှစ်တွင် ထိုင်းနိုင်ငံသည် EFအင်္ဂလိပ်စာကျွမ်းကျင်မှုညွှန်းကိန်းတွင် အဆင့် ၆၄ ရှိနေပြီး မြန်မာနှင့်ကမ္ဘောဒီးယားမှအပ အာရှတွင် အင်္ဂလိပ်စာကျွမ်းကျင်မှုညွှန်းကိန်း အနည်းဆုံးနိုင်ငံဖြစ်သည်။ Source-Bangkok PostPhoto-Coconuts ဥက္ကာ #MeKongNews

Tag Archives: ဘာသာပြန်

တင်းမာမှုမြင့်လာချိန်တွင် ဆန္ဒပြပွဲများပြန်ဖြစ်လာနိုင်ချေရှိဟု ထိုင်းအတိုက်အခံပါတီခေါင်းဆောင် ပြော

ထိုင်းကလေးငယ်များကို အင်္ဂလိပ်စာစွမ်းရည်မြှင့်တင်ပေးရန်ဆုံးဖြတ်