ကိုရတ်၊ ဒီဇင်ဘာ ၁၈

အမျိုးသမီး ၆ ဦးကို သတ်ဖြတ်ခဲ့သည်ဟုစွပ်စွဲခံထားရစေသောအမျိုးသားကို နိုင်ငံအရှေ့မြောက်ပိုင်းသို့သွားနေသည့်ရထားပေါ်တွင် ဗုဒ္ဓဟူးနေ့က ဖမ်းဆီးရမိခဲ့သည်ဟု ထိုင်းရဲများပြောသည်။

ဆွမ်ကပ် ပမ်ပေါင်း (၅၅)နှစ်ကို ရထားစီးခရီးသည်တစ်ယောက်က သတိပြုမိခဲ့ပြီး အာဏာပိုင်များထံအကြောင်းကြားခဲ့သည်ဟု စုံထောက်များကပြောသည်။

မည်သူမည်ဝါမပြောခဲ့သောထိုခရီးသည်ကို ဘတ် ၅၀ဝ၀ဝ ဆုကြေးပေးသွားမည်ဟုလည်း ပြောသည်။

၁၉ ရာစု၊ လန်ဒန်မြို့က အမျိုးသမီးများကို သတ်ဖြတ်ခဲ့သည့် Jack the Ripperကို အမှီးပြုပြီး Kid the Ripperဟု မီဒီယာများတွင်ဖော်ပြခဲ့သောဆွမ်ကစ်သည် ၂၀ဝ၅ ခုနှစ်တွင် လိင်လုပ်သားအမျိုးသမီး ၅ ဦးကိုသတ်ဖြတ်ခဲ့မှုကြောင့် ထောင်တစ်သက်ကျခံရန် ၂၀ဝ၅ ခုနှစ်တွင်ပင် တရားရုံးဆုံးဖြတ်ခံခဲ့ရပြီး ထောင်တွင်းလုပ်ဆောင်မှုကောင်းများကြောင့် ယခုနှစ်မေတွင် ထောင်မှပြန်လွတ်ခဲ့သည်။

ထိုင်းဘုရင်၏လွတ်ငြိမ်းချမ်းသာခွင့်ရပြီး လပိုင်းအကြာတွင် သူ၏ ၆ ယောက်မြောက်လူသတ်မှုကို တနင်္ဂနွေနေ့က ခွန်ကန်ခရိုင်တွင်ကျူးလွန်ခဲ့သည်ဟု ရဲများကပြောသည်။

SOURCE-KHAOSOD

MeKongNews #ဥက္ကာ

PHOTO-KHAOSOD