The Hague§၊ ဒီဇင်ဘာ ၁၂

ဂမ်ဘီယာနိုင်ငံက မြန်မာနိုင်ငံမှာ အစိုးရပိုင်းကစပြီးအမုန်းစကားတွေပြောနေတယ်လို့ စွပ်စွဲခဲ့ပေမဲ့ မြန်မာအစိုးရက အမုန်းစကားပြောတာမျိုးမရှိဘဲနဲ့ လူတစ်ဦးတစ်ယောက်ချင်းက အမုန်းစကားပြောနေတာမျိုးပဲရှိနေတယ်လို့ မြန်မာနိုင်ငံကိုယ်စားပြုတဲ့ရှေ့နေပါမောက္ခ ဝီလျံ ရှားဘတ်စ်က ICJမှာတုံ့ပြန်လိုက်ပါတယ်။

လူဝင်မှုကြီးကြပ်ရေးဦးစီးဌာနရဲ့ မြေမြိုက လူမျိုးမပြုတ်၊ လူမျိုမှ လူမျိုးပြုတ်မယ်ဆိုတဲ့ဆောင်ပုဒ်၊ မြန်မာနိုင်ငံမှာ ရိုဟင်ဂျာမရှိဘူးလို့ တပ်မတော်ကာကွယ်ရေးဦးစီးချုပ်ကပြောခဲ့တာနဲ့ နိုင်ငံတော်အတိုင်ပင်ခံရုံးFacebookစာမျက်နှာမှာ Fake Rapeဆိုတဲ့ပို့စ်တွေဟာ မြန်မာအစိုးရက အမုန်းစကားတွေပြောနေတာလို့ ဂမ်ဘီယာနိုင်ငံရဲ့လျှောက်လဲချက်မှာပါဝင်ခဲ့တာကို တုံ့ပြန်လိုက်တာပါ။

အမုန်းစကားတွေဟာ မြန်မာနိုင်ငံတစ်နိုင်ငံတည်းမှာမဟုတ်ဘဲနဲ့ တခြားနိုင်ငံတွေမှာပြောဆိုနေတာမျိုးလည်းရှိနေတယ်လို့ ရှားဘတ်ကပြောပါတယ်။

ဘင်္ဂါလီ(လျှောက်လဲရာတွင်ရိုဟင်ဂျာဟုသုံးနှုန်း)တွေနဲ့ပတ်သက်ပြီး အမုန်းစကားတွေပြောနေတယ်ဆိုပြီး ဂမ်ဘီယာက လျှောက်တင်ခဲ့ပါတယ်။

မြန်မာနိုင်ငံမှာ အမုန်းစကားတွေပြောတယ်ဆိုပြီး တပ်မတော်နဲ့သက်ဆိုင်တဲ့ပေ့ဂျ်တွေနဲ့ လူပုဂ္ဂိုလ်တစ်ဦးချင်းစီ၊ တိုင်းရင်းသားလက်နက်ကိုင်တွေရဲ့ပေ့ဂျ်တွေကို Facebookကပိတ်သိမ်းထားတာရှိသလို တရားထိုင်ဖို့ မြန်မာနိုင်ငံကိုလာရောက်ခဲ့တဲ့တွစ်တာအမှုဆောင်အရာရှိချုပ်ဟာလည်း ဝေဖန်မှုတွေခံခဲ့ရပါတယ်။

လူမှုကွန်ရက်စောင့်ကြည့်ရေးအဖွဲ့ကို မြန်မာအစိုးရက ကျပ်ငွေသန်းထောင်ချီသုံးပြီးဖွဲ့စည်းထားပြီး အမုန်းစကားတွေကိုပါစောင့်ကြည့်ခဲ့ပေမဲ့ အဖွဲ့ကိုဝေဖန်မှုတွေလည်းရှိနေပါတယ်။

မြန်မာနိုင်ငံမှာ လူမျိုးတုန်းသတ်ဖြတ်မှုရှိတယ်လို့ ၂၀၁၃ ခုနှစ်က အယ်ဂျားဇီးယားသတင်းဌာနနဲ့တွေ့ဆုံမေးမြန်းမှုမှာ ပြောခဲ့တာမျိုးမရှိဘဲ အခြေအနေတစ်ခုအပေါ်မူတည်ပြီးဖြစ်လာနိုင်တယ်လို့ပြောခဲ့တာလို့လည်း ရှားဘတ်ကပြောပါတယ်။

ဂမ်ဘီယာရဲ့လျှောက်တင်ချက်တွေဟာ ကုလသမဂ္ဂအချက်အလက်ရှာဖွေရေးမစ်ရှင် FFMရဲ့အစီရင်ခံစာကို အားကိုးလွန်းတယ်လို့လည်း ရှားဘတ်ကဝေဖန်ခဲ့ပါတယ်။

ဒါ့အပြင်တပ်မတော်က ရှင်းလင်းရေးစစ်ဆင်ရေးတွေလုပ်တယ်ဆိုတာလည်း FFMအစီရင်ခံစာမှာ အထောက်အထားတိတိကျကျမပါဝင်ဘူးလို့လည်း ရှားဘတ်ကထောက်ပြခဲ့ပါတယ်။

Ohkkar

Photo-Screenshot from UN LiveStream