The Hague၊ ဒီဇင်ဘာ ၁၂

ဗုဒ္ဒဟူးနေ့က မြန်မာနိုင်ငံရဲ့ ICJမှာလျှောက်တင်မှုမှာ လူမျိုးတုန်းသတ်ဖြတ်မှုတွေရှိမနေဘူးလို့ မငြင်းခဲ့ဘူးဆိုပြီး ဂမ်ဘီယာရှေ့နေ ပေါ ရစ်ချလာက ကြာသပတေးနေ့မှာ ICJမှာလျှောက်တင်လိုက်ပါတယ်။

“ဂမ်ဘီယာနိုင်ငံက ရုံးတော်ကို လျှောက်ထား တင်ပြမှုတွေမှာ အချက်အလက် ပြည့်စုံမှုမရှိတဲ့အပြင် နားလည်မှုလွဲမှားစေနိုင်တဲ့အနေအထားနဲ့ ပုံဖော်ထားတာကိုတွေ့ရပါတယ်”လို့ နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က မနေ့က ဗုဒ္ဓဟူးနေ့မှာ လျှောက်တင်ခဲ့ပြီးတဲ့နောက် သူက အခုလိုပြန်လည်လျှောက်တင်ခဲ့တာပါ။

မြန်မာအစိုးရအနေနဲ့ လူမျိုးတုန်းသတ်ဖြတ်မှုတွေအတွက် သက်သေတွေဖျောက်ဖျက်ချင်လို့ ကုလသမဂ္ဂအချက်အလက်ရှာဖွေရေးမစ်ရှင် FFMနဲ့ နိုင်ငံတကာသတင်းမီဒီယာတွေကို အခင်းဖြစ်ရာနေရာတွေကို ဝင်ခွင့်ပိတ်ပင်ထားတာလို့လည်း စွပ်စွဲခဲ့ပါတယ်။

နေရပ်ပြန်လာမယ့်သူတွေကို ပြန်လည်လက်ခံရေးအစီအစဉ်တွေမှာ မြန်မာအစိုးရရဲ့လုပ်ဆောင်မှုတွေမအောင်မြင်ဘူးလို့လည်း ဘင်္ဂလားဒေ့ရှ်နိုင်ငံခြားရေးဝန်ကြီးဌာနက ထုတ်ပြန်ထားတာကိုကိုးကားပြီးလည်းလျှောက်တင်ခဲ့ပါတယ်။

ဂမ်ဘီယာနိုင်ငံက မြန်မာနိုင်ငံမှာ လူမျိုးတုန်းသတ်ဖြတ်မှုတွေဖြစ်ခဲ့တယ်ဆိုပြီး အခုနှစ်အစပိုင်းမှာ ထုတ်ပြန်ခဲ့ပေမဲ့ စက်တင်ဘာမှာ FFMရဲ့အစီရင်ခံစာထွက်ခဲ့ပြီးတဲ့နောက်မှ တရားစွဲခဲ့တာလို့လည်း ရစ်ချလာက အကြောင်းပြခဲ့ပါတယ်။

တပ်မတော်က အကြမ်းဖက်တိုက်ဖျက်ရေးစစ်ဆင်ရေးလုပ်ခဲ့တယ်လို့ အကြောင်းပြခဲ့ပေမဲ့ အမျိုးသမီးတွေကို အဓမ္မကျင့်တာကလည်း အကြမ်းဖက်တိုက်ဖျက်တာလားလို့ တုံ့ပြန်မေးခွန်းထုတ်ခဲ့ပါတယ်။

MeKongNews #Ohkkar

Photo-Screenshot From UN Live Stream